سکر(پريس رليز) سکر ۾ ناري فائونڊيشن شاگردن ۽ شاگردياڻين کي ماسڪ ۽ آئسوليشن سينٽرز عملي کي پي پي اي سوٽ ڏيڻ جو فيصلو ڪيو آھي. ناري فائونڊيشن انڊس ڪنسوشيم ۽ آڪسفيم جي سهڪار سان اسڪولي شاگردن ۽ شاگردياڻين کي ڪورونا وائرس کان محفوظ رهڻ لاء ماسڪ ۽ صابڻ ۽ آئسوليشن سينٽرز جي طبي عملي کي پي پي اي سوٽ ڏيڻ جو فيصلو ڪيو آھي. ان سلسلي ۾ ناري فائونڊيشن جي انور علي مهر ، افشان اصغر ، عذرا جمال ۽ ٻين ڊپٽي ڪمشنر راڻا عديل تصور، ضلعي صحت آفيسر ڊاڪٽر جميل احمد مهر ۽ ضلعي تعليمي آفيسر حافظ شھاب الدين انڍڙ سان ملاقات ڪري کين ڄاڻ ۽ آگاهي ڏني. ڪامورن ناري فائونڊيشن جي ان فيصلي کي ڀليڪار ڪندي چيو ته خطرناڪ ڪورونا وائرس کان محفوظ رهڻ ۽ بچڻ لاء سڀني کي ڪردار ادا ڪرڻو پوندو. ناري فائونڊيشن جي ٽيم ڪورونا وائرس کان بڇاء واري سرڪاري ڪوششن کي ساراهيندي ساٿ ڏيڻ جو عزم ڪيو.
Post A Comment:
0 comments: